USAID-ის სოფლის მეურნეობის პროგრამის და სოფლის განვითარების სააგენტოს დახმარებით და თანადაფინანსებით, კომპანია „ედენამ“ დანერგა ISO 22000 სურსათის უვნებლობის სტანდარტი და წარმატებით გაიარა საერთაშორისო სერტიფიცირების პროცესი. სურსათის უვნებლობის მართვის თანამედროვე სისტემების ინტეგრირება წარმოებაში, უფრო კონკურენტულს გახდის კომპანიის პროდუქციას და ხელს შეუწყობს უფრო მეტ მყიდველებთან გრძელვადიანი პარტნიორობის დამყარებას.

2022 წელს კომპანია ედენამ საწარმოო და საექსპორტო შესაძლებლოების განვითარების მიზნით USAID-ის სოფლის მეურნეობის პროგრამისგან თანამონაწილეობაზე დაფუძნებული გრანტი მიიღო. პროექტის ფარგლებში კომპანიამ 750 m2 ფართობის საწარმო გადააიარაღა და აღჭურვა თანამედროვე დანადგარებით. პროგრამის მიერ გამოყოფილი გრანტით ედენამ ბოთლების ჩამოსახმელი ხაზი, ბოთლების საშრობი და ვაკუუმ დანადგარი შეიძინა. USAID-ის სოფლის მეურნეობის პროგრამის გრანტმა კომპანიას საშუალება მისცა გაეფართოებინა როგორც წარმოების მოცულობა ისე პროდუქციის ასორტიმენტი და შეექმნა შემოსავლის ახალი წყარო საცალო ბაზრებიდან.